Mabendisionan ti ebanghelio ni Jesucristo ti biagyo

Wen! Kas miembro ti Ti Simbaan ni Jesucristo dagiti Santo iti Ud-udina nga Aldaw, mamatikami a ni Jesucristo ti Anak ti Dios ken ti Mangisalakan ti lubong. Ay-ayatennatayo amin nga ad-adda pay ngem iti maipagaruptayo. Ibilangtayo ti bagbagitayo a napasnek a pasurot ni Jesus. Idinto a naiduma ti sumagmamano a patpatienmi, mamatikami a babaen ti biag, panagministro, sakripisio, ken panagungarna, isalakannatayo ni Jesucristo manipud iti basol, panagsagaba, ken ipapatay.

Ammuen ti ad-adu pay maipapan kadagiti patpatienmi.

Agduduma iti kada kongregasion dagiti oras ken iskediul iti serbisio ti Simbaan. Nupay kasta, kanayon a maibilangyo iti maysa a kangrunaan a serbisio ti panagdaydayaw para iti tunggal maysa, a sarunuen dagiti klase para kadagiti ubbing, agtutubo, ken nataengan.

Maawagan iti “miting ti sakramento” ti serbisio para iti tunggal maysa. Buklen daytoy a miting dagiti kanta, kararag, ken sermon (wenno “panagsarita”) nga ited dagiti nadumaduma a miembro ti kongregasion iti tunggal lawas. Ngem ti kapatgan a paset ti miting ket no makiranudtayo iti sakramento (a kapada ti komunion) a manglaglagip iti Mangisalakan.

Ammuen ti ad-adu pay maipapan kadagiti serbisio iti Domingo wenno mangsapul iti maysa a simbaan iti asidegyo.

Para kadagiti Santo iti Ud-udina nga Aldaw, maiduma ti maysa a templo iti dadduma pay a pasdek ti Simbaan. Ti templo ket maysa a lugar a pangawatan dagiti Santo iti Ud-udina nga Aldaw iti naisangsangayan nga instruksion maipapan iti Dios ken ni Jesucristo. Iti templo, agaramid dagiti miembro kadagiti agnanayon a katulagan (wenno kari) iti Dios. Karaman ditoy dagiti kari a mangtungpal kadagiti bilin, agbiag iti ebanghelio ni Jesucristo, agbalin a napudno iti panagasawa, ken tumulong a mangaywan iti tunggal maysa babaen ti panangibinglay iti adda kadatayo.

Kasta met a, gapu ta mamatikami ngaagnanayon dagiti pamilia, kaaduan kadagiti trabaho a maar-aramid iti uneg dagiti templo ket tapno pumigpigsa pay dagiti begkes ti pamilia. Maaramid dagiti kallaysa iti templo tapno agpaut iti agnanayon, saan laeng nga “agingga iti patay ti panagsinayo.” Agbalin nga agnanayon a pamilia dagiti nagannak ken annak kadagiti templo. Mabalin pay nga awaten dagiti kapuonan ti amin a bendision ti templo no adda maysa a tao a mangaramid kadagiti sagrado nga ordinansa nga agpaay kadakuada ket awatenda dayta nga aramid ti serbisio. Lugar nga adu ti ar-aramiden dagiti templo!

Ti Libro ni Mormonket maysa a naparegta a nasantuan a kasuratan a mangisuro kadatayo maipapan iti Dios ken ni Jesucristo. Tulongannatayo nga umawat iti direksion para iti personal a biagtayo ken matulongannatayo a makarikna nga as-asidegtayo ken ni Jesucristo. Sadino ti naggapuan ti nagan? Ginasut a tawenen ti napalabas, maysa a nagkauna a propeta nga agnagan iti Mormon ti namagtitipon iti rekord dagiti taona. Naipasangoda kadagiti adu nga isu met laeng a karit a kas kadatayo. Ket kas met laeng kadatayo, nakasarakda iti pigsa idi immasidegda ken ni Jesucristo. Mayam-ammo iti Libro ni Mormon kadagiti misionario.

Agtakder ti Libro ni Mormon a kaabay ti Biblia kas sabali pay a tulag ni Jesucristo ken ti nadiosan a misionna kas Mangisalakan ken Mannubbot iti lubong. Sangkamaysa, mangipaay ti Biblia ken ti Libro ni Mormon iti ad-adu pay a pannakaawat iti naindaklan nga ayat ti Dios para kadatayo amin ken matulongannatayo nga ad-adda nga umasideg Kenkuana. 

Ammuen ti ad-adu pay maipapan itikasano nga agtitinnulong ti Biblia ken Libro ni Mormon.

Wen. Balikas ti Dios ti Biblia, maysa a sagrado a libro ti nasantuan a kasuratan, ket ti panangsurot kadagiti pannursurona ket mangyeg iti rag-o iti biagtayo. Kadua ti Biblia, masarakantayo pay iti inspirasion kadagiti dadduma pay a libro ti nasantuan a kasuratan a naisangsangayan iti Ti Simbaan ni Jesucristo dagiti Santo iti Ud-udina nga Aldaw. Agtitinnulongda amin a mangisuro kadatayo kadagiti napapateg a kinapudno maipapan iti Dios ken ni Jesucristo.

Ammuen ti ad-adu pay maipapan iti patpatienmi iti Bibla.