Zoo siab txais tos sawv daws. Mus xyuas ib lub koom txoos nyob ze koj.
Tej Lus uas Neeg Coob Nug
Cov mej zeej hauv Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg puas yog neeg ntseeg Yexus Khetos?
Yog mas! Peb cov mej zeej ntawm Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg ntseeg tias Yexus Khetos yog Vajtswv Leej Tub thiab yog tus Cawm Seej ntawm lub Ntiaj Teb. Nws hlub peb sawv daws tshaj qhov peb muaj peev xwm to taub. Peb xav tias peb yog cov uas siv zog coj raws li Yexus Khetos. Txawm tias ib txhia ntawm peb tej kev ntseeg tsis zoo li lwm tus, peb ntseeg tias los ntawm Nws lub neej, txoj hauj lwm qhuab qhia, txoj kev txi, thiab txoj kev sawv rov los, Yexus Khetos cawm peb dim kev ua txhaum, kev txom nyem, thiab kev tuag.
Kawm ntxiv txog peb tej kev ntseeg.
Kev sib ntsib hauv lub Koom Txoos zoo li cas?
Kev sib ntsib hauv lub Koom Txoos nyob ntawm seb yog pawg ntseeg twg. Tiam sis, yeej muaj ib txoj kev sib ntsib loj rau txhua leej txhua tus, ces tom qab ntawd muaj tej chav kawm rau cov me nyuam, cov tub hluas ntxhais hluas, thiab cov laus.
Kev sib ntsib rau txhua leej txhua tus hu ua “kev sib ntsib txais lub cim nco txog.” Kev sib ntsib no muaj tej zaj nkauj, kev thov Vajtswv, thiab tej zaj lus hais uas cov neeg hauv pawg ntseeg hais txhua lub lim tiam. Tiam sis qhov tseem ceeb ntawm txoj kev sib ntsib no yog thaum peb txais lub cim nco txog kom peb thiaj li nco txog tus Cawm Seej.
Kawm ntxiv txog Hnub Caiv tej kev sib ntsib los sis nrhiav ib lub tsev koom txoos nyob ze koj.
Vim li cas Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg muaj cov tuam tsev?
Rau Haiv Neeg Ntseeg hauv Hnub Nyoog Kawg, ib lub tuam tsev txawv lwm cov tsev ntawm lub Koom Txoos. Lub tuam tsev yog ib qhov chaw uas Haiv Neeg Ntseeg hauv Hnub Nyoog Kawg txais tau tej lus qhia txog Vajtswv thiab Yexus Khetos. Hauv lub tuam tsev, cov mej zeej nrog Vajtswv khi lus (los sis cog lus) uas kav mus ib txhis. Peb cog lus tias lawv yuav ua raws li cov lus txib, ua neej raws li Yexus Khetos txoj moo zoo, txhob tham lwm tus thaum yuav poj niam yuav txiv lawm, thiab cog lus tias lawv ib leeg yuav saib xyuas ib leeg thaum peb faib tej yam uas peb muaj rau lwm tus.
Tsis tas li ntawd xwb, vim peb ntseeg tiastsev neeg nyob tau ua ke mus ib txhis, tej hauj lwm hauv lub tuam tsev yog ua kom peb nrog peb tsev neeg sib raug zoo ntxiv. Txoj kev sib yuav huav lub tuam tsev yuav kav mus ib txhis, tsis yog “kom mus txog thaum yus tuag xwb.” Cov niam tsev txiv tsev thiab cov me nyuam yuav los ua ib tsev neeg mus ib txhis hauv lub tuam tsev. Cov poj koob yawm txwv txais tau cov koob hmoov ntawm lub tuam tsev yog ib tug neeg ua tej kab ke dawb ceev rau lawv thiab lawv lees txais txoj kev pab ntawd. Lub tuam tsev yog ib qhov chaw uas muaj hauj lwm ntau ua!
Phau Ntawv Maumoos yog dab tsi?
Phau Ntawv Maumoos yog ib phau vaj lug kub uas qhia peb txog Vajtswv thiab Yexus Khetos. Phau ntawd pab peb paub peb yuav tsum ua li cas nyob hauv peb lub neej thiab pab peb muab siab npuab Yexus Khetos ntxiv. Phau ntawv no lub npe los ntawm qhov twg los? Ntau xyoo tas los nyob hauv Amelikas puag thaum ub, ib tug yaj saub hu ua Maumoos tau sau ceev xwm txheej txog nws cov neeg. Lawv twb raug teeb meem ntau ib yam li peb muaj niaj hnub no. Thiab, zoo ib yam li peb, lawv muaj zog thaum lawv tig mus rau Yexus Khetos. Cia li kawm txog Phau Ntawv Maumoos nrog cov tub txib.
Phau Ntawv Maumoos nrog phau Npaivnpaum ua tim khawv ntxiv txog Yexus Khetos thiab Nws ntiag tug hauj lwm ua lub ntiaj teb tus Cawm Seej thiab tus Txhiv Dim. Nyob ua ke, phau Npaivnpaum thiab Phau Ntawv Maumoos ua rau peb to taub Vajtswv txoj kev hlub thiab yuav pab peb nyob ze Nws.
Kawm ntxiv tias phau Npaivnpaum thiab Phau Ntawv Maumoos koom ua ke li cas.
Peb puas ntseeg phau Npaivnpaum?
Peb yeej ntseeg. Phau Npaivnpaum yog Vajtswv txoj lus, ib phau vaj lug kub dawb ceev, thiab qhov uas peb ua raws li tej lus qhia nyob haud ces yuav ua rau peb muaj kev zoo siab hauv peb lub neej. Nrog rau phau Npaivnpaum, peb kuj nrhiav tau kev tshoov siab los ntawm lwm phau ntawv vaj lug kub uas tshwj xeeb rau Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg. Tej phau ntawv no koom ua ke kom qhia tej lus tseeb txog Vajtswv thiab Yexus Khetos rau peb.
Kawm ntxiv txog peb txoj kev ntseeg phau Npaivnpaum.
Muab siab npuab Vajtswv ntxiv. Nrog cov tub txib tham.
Sib ntsib online los sis sib ntsib tim ntsej tim muag. Peb yuav teb koj tej lus nug thiab pab koj ntsib cov neeg hauv koj zej zog pawg ntseeg.
Ib Pawg Ntseeg uas Tsom Ntsoov rau Yexus Khetos
Txais tej xov xwm los ntawm lub Koom Txoos.
Muaj tej yam zoo tshwm sim thoob plaws lub ntiaj teb. Txais tej lus qhia txog tej yam uas lub Koom Txoos ua, tej kev sib ntsib, tej kev pab neeg uas raug xwm txheej, thiab ntxiv.