Levanjil Jezikri a kapab beni lavi ou

Wi! Antanke manm Legliz Jezikri pou Sen Dènye Jou yo, nou kwè Jezikri se Pitit Gason Bondye ak Sovè mond lan. Li renmen nou tout plis pase nou ka imajine. Nou konsidere tèt nou kòm disip devwe Jezi. Pandan ke kèk nan kwayans nou yo trè distenk, nou kwè ke atravè lavi, ministè, sakrifis, ak rezirèksyon Li, Jezikri sove nou anba peche, soufrans, ak lanmò.

Aprann plis konsènan kwayansnou yo.

Lè sèvis yo nan Legliz la varye ant yon kongregasyon ak yon lòt kongregasyon. Toutfwa, ou kapab toujou konte sou yon sèvis adorasyon prensipal pou tout moun, epi apresa gen klas pou timoun yo, jèn yo, ak adilt yo.

Sèvis ki pou tout moun nan rele “reyinyon sentsèn.” Reyinyon sa a gen ladan chante, priyè, ak sèmon (oswa “diskou”) ke diferan manm nan kongregasyon an bay chak semèn. Men pati ki pi enpòtan nan reyinyon an se lè nou pran senstsèn nan (ki similè avèk kominyon) pou sonje Sovè a.

Aprann plis konsènan sèvis Dimanch yo oswa jwenn yon legliz toupre ou.

Pou Sen Dènye Jou yo, yon tanp diferan de lòt bilding Legliz yo. Tanp lan se yon plas kote Sen Dènye Jou yo resevwa enstriksyon espesyal sou Bondye ak Jezikri. Nan tanp lan, manm yo fè alyans etènèl (oswa pwomès) avèk Bondye. Sa enkli pwomès pou nou respekte kòmandman yo, viv levanjil Jezikri a, pou nou fidèl nan maryaj, epi pou nou ede youn pran swen lòt nan pataje sa nou genyen.

Epitou, paske nou kwè fanmi yo dire pou tout tan, anpil nan travay ki fèt andedan tanp yo se pou fè lyen fanmi yo vin pi solid. Maryaj nan tanp yo akonpli pou yo dire etènèlman, pa sèlman “jiskaske lanmò separe nou.” Paran yo ak timoun yo vin tounen fanmi etènèl nan tanp yo. Zansèt yo kapab resevwa tout benediksyon tanp yo tou si yon moun akonpli òdonans sakre yo pou yo epi yo aksepte aksyon sèvis sa a. Tanp yo se kote ki okipe anpil!

Liv Mòmon an se yon liv ekriti enspire ki anseye nou konsènan Bondye ak Jezikri. Li ede nou resevwa direksyon pou lavi pèsonèl nou epi li ka ede nou santi nou pi pre Jezikri. Ki kote non an soti? Sa gen kèk santèn ane, yon ansyen pwofèt ki te rele Mòmon te konpile yon rejis sou pèp li a. Yo te fè fas ak menm pwoblèm ke n ap fè fas jodia. Epi, menmjan avèk nou, yo te jwenn fòs lè yo te vire al jwenn Jezikri. Resevwa yon entwodiksyon sou Liv Mòmon an avèk misyonè yo.

Liv Mòmon an kanpe kòtakòt avèk Bib la kòm yon lòt temwanyaj konsènan Jezikri ak misyon divin Li kòm Sovè ak Redanmtè mond lan. Ansanm, Bib la ak Liv Mòmon an founi plis konpreyansyon sou gwo lanmou Bondye pou nou tout epi li kapab ede nou vin pi pre Li. 

Aprann plis konsènan fason Bib la ak Liv Mòmon an travay ansanm.

Wi. Bib la se pawòl Bondye, yon volim sakre ekriti, epi suiv ansèyman li yo pote lajwa nan lavi nou. Ansanm ak Bib la, nou jwenn enspirasyon tou nan lòt liv ekriti unik nan Legliz Jezikri pou Sen Dènye Jou yo. Yo tout travay ansanm pou anseye nou verite enpòtan sou Bondye ak Jezikri.

Aprann plis bagay konsènan kwayans nou nan Bib la.