Wɔyɛ obiara akwaaba. Sera asɔr bi a ɔbɛn wo.
Nsɛmbisa a Wɔtaa Bisa
Ana Jesus Christ N’Asɔr a ɔwɔ hɔ ma Nda a Odzi Ekyir Ahotseweefo n’asɔrmba yɛ Christianfo?
Nyew! Dɛ yɛyɛ Jesus Christ N’Asɔr a ɔwɔ hɔ Ma Nda a Odzi Ekyir Ahotseweefo n’asɔrmba yi, yɛgye Jesus Christ dzi dɛ Ɔyɛ Nyankopɔn Ne Ba na Wiadze Agyenkwa. Ɔdɔ hɛn nyinara kyɛn dza yebotum esusu ho. Yɛhwɛ hɛnho dɛ yɛ Jesus akadofo nokwafo. Hɛn gyedzi mu binom yɛ soronko dze, naaso yɛgye dzi dɛ Jesus Christ dua N’abrabɔ, No som, afɔrbɔ, na wusoɛr do gye hɛn fi bɔn, amandzehu, na owu mu.
Sũa Hɛn gyedzi ho nsɛm bi kã ho.
Asɔr som tse dɛn?
Asɔr som mber sesã fi mboanofo kor kɔ mboanofo kor so do. Naaso, w’enyi botum ada som tsitsir ma obiara, a adzesũadze dzi do ma mbofra, mbabun, na mpanyimfo.
Som a obiara kɔ no wɔfrɛ no “sacrament nhyiamu.” Dza ɔkɔ do wɔ nhyiamu yi mu nye ndwontow, mpaabɔ, na nyamesɛm (anaa “nsɛm”) a mboanofo mu mba no kyɛ no dapɛn biara no. Mbom, dza ohia dodow wɔ nhyiamu yi nye ber a yedzi sacrament (a ɔtse dɛ communion) dze kaa Agyenkwa no.
Sũa Kwesida som horow ho nsɛm bi kã ho anaa hwehwɛ asɔr bi a ɔbɛn wo.
Dɛn ntsi na Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no wɔ temple horow?
Latter-day Saintfo no, ɔson temple na Asɔr adan nkaa no. Temple no yɛ bea a Latter-day Saintfo gye Nyankopɔn na Jesus Christ ho nkyerɛkyerɛ soronko. Temple mu no, asɔrmba nye Nyankopɔn dzi onnyiewiei ahyɛmu (anaa anohoba horow). Dza ɔkã ho nye anohoba dɛ yebesie mbrasɛm no, yɛdze Jesus Christ asɛmpa no abɔ bra, yeedzi nokwar wɔ awar mu, na yɛakyɛ dza yɛ wɔ dze aboa ma yɛahwɛ hɛnho nkorkor do.
Bio so, osiandɛ yɛgye dzi dɛ ebusua ebusua yɛ afebɔɔ, edwuma a wɔyɛ no temple mu no dodowara wɔyɛ ma ebusua nkabɔmu yɛ dzen ara yie. Wɔyɛ awar wɔ temple mu ma wɔatsena afebɔɔ, nnyɛ “kɛpem owu bɛpaapaa hom ntamu” ara. Awofo na mba ba bɛyɛ ebusua ebusua afebɔɔ wɔ temple mu. Ewuakɔr so botum agye temple nhyira horow no nyina sɛ obi gyina hɔn ananmu yɛ ayɛdze krɔnkrɔn no na wɔgye dɛm ɔsom ndzeyɛɛ no to mu a. Temple yɛ bea a adagyir nnyi!
Ebɛnadze nye Mormon Nwoma no?
Mormon Nwoma no yɛ nkenyan kyerɛwsɛm a ɔkyerɛkyerɛ Nyankopɔn na Jesus Christ ho asɛm. Ɔboa hɛn ma yenya kwankyerɛ wɔ hɛn ankorankor abrabɔ mu na obotum aboa hɛn ma yɛatse dɛ yɛabɛn Jesus Christ ara yie. Dzin no fi henfa? Mfe aha aha pii abasen no, tsetse nkɔnhyɛnyi bi a wɔfrɛ no Mormon boaboaa no nkorɔfo hɔn nkyerɛwee ano. Wohyia dɛm ɔhaw noara a yɛfa mu no ne kɛse. Na tse dɛ hɛn no, wonyaa ahoɔdzen ber a wɔdanee kɔɔr Jesus Christ hɔ no. Ma asɛmpasomafo no mma wo Mormon Nwoma no no Mbueienyi.
Mormon Nwoma no nye Bible no gyina afã na afã dɛ Jesus Christ ahyɛmu kor so na No somdwuma krɔnkrɔn dɛ wiadze Agyenkwa na Pomfo. Wɔbɔmu a, Bible na Mormon Nwoma no ma Nyankopɔn no dɔ kɛse ma hɛn nyina ho ntseasee ara yie, na obotum aboa hɛn ma yɛaba Ne nkyɛn ara yie.
Sũa bi kã mbrɛ Bible na Mormon Nwoma no bɔmu yɛ edwuma.
Ana hom gye Bible no dzi?
Nyew. Bible no yɛ Nyankopɔn n’asɛm, kyerɛwsɛm nwoma krɔnkrɔn, na yedzi ne nkyerɛkyerɛ do a, ɔdze enyigye hyɛ hɛn abrabɔ mu. Yenya nkenyan fi kyerɛwsɛm nwoma binom so mu a ɔyɛ soronko ma Jesus Christ N’Asɔr a ɔwɔ hɔ Ma Nda a Odzi Ekyir Ahotseweefo, dze kã Bible no ho. Hɔn nyina bɔmu yɛ edwuma dze kyerɛkyerɛ hɛn nokwar tsitsir a ɔfa Nyankopɔn na Jesus Christ ho.
Sũa Hɛn gyedzi ho nsɛm wɔ Bible no mu bi kã ho.
Nyin bɛn Nyame ara yie. Enye asɛmpakasomfo nhyia
Hom nhyia wɔ internet do anaa enyim na enyim. Yebeyi wo nsɛmbisa ano na yɛada wo edzi akyerɛ wo sɔn mu asɔr fekuw.
Nya dawurbɔ mu nsɛm sesei wɔ Asɔr no mu.
Ndzɛmba apapa risisi wɔ wiadze nyina mu. Nya dza ɔrokɔ do sesei wɔ Asɔr ndwuma dze, dza orisisi, esian mboa ho mbɔdzembɔ, na dza ɔkekãho ho nsɛm.