Ekɔm kpukpru owo ke ndidi. Ka ufɔk Abasi odude ekpere fi.
Mbume Esisɔpde ebup
Ndi mbon Ufɔk Abasi Jesus Christ Mme Ndisana Owo ke Ukperedem Usen edi mme Anditiene Christ?
Iŋ! Nte mbon Ufɔk Abasi Jesus Christ Mme Ndisana Owo ke Ukperedem Usen, nnyin imenim Jesus Christ edi Eyen Abasi ye Andinyaŋa ererimbot. Enye ama kpukpru nnyin akan se nnyin ikerede. Nnyin ida idem nnyin nte mme anditiene Jesus ke esit akpanikɔ. Ke ini ndusuk ido-mbuɔtidem nnyin edide saŋa-saŋa, nnyin imenim ite ke oto uwem Esie, utom, nwaidem, ye eriset-ke-mkpa, Jesus Christ anyaŋa nnyin osio ke idiɔkŋkpɔ, ndutuhɔ, ye mkpa.
Kpep awak baŋa se nnyin inimde ke akpanikɔ.
Mboho Ufɔk Abasi etie didie?
Ini mboho Ufɔk-Abasi ɔkpuhɔre ke ufɔt otuowo ye otuowo. Nte ededi, mboho ntuak-ibuot kiet odu ɔnɔ kpukpru owo, mbemiso enyene nsio-nsio ubet ukpepŋkpɔ enɔ mkpri-ndtɔ, iwaad, ye ikpɔ owo.
Ekoot mboho eke kpukpru owo “esop udia-ɔbɔŋ.” Mboho emi esine ikwɔ, akam, ye ukwɔrɔ-ikɔ (mme “utiŋ-ikɔ”) emi nsio nsio mbon ufɔk Abasi ke eboho oro enɔde kpukpru udua. Edi ata akpan ubak eke mboho emi edi ini nnyin idiade udia-ɔbɔŋ (emi etiede nte ebuana-udia) ndida nti Andinyaŋa.
Kpep nkpɔ efen baŋa mboho Sunday midihe eyom ufɔk Abasi emi ekperede fi.
Ntak emi Ufɔk Abasi Jesus Christ Mme Ndisana Owo ke Ukperedem Usen enyenede mme temple eh?
Eke Ndisana Owo ke Ukperedem Usen, temple enyene ukpuhɔde ye ufɔk efen emi nnyin ibɔpde. Temple edi ebiet emi mbon Ufɔk Abasi ebɔde saŋa-saŋa ukpepŋkpɔ abaŋade Abasi ye Jesus Christ. Ke temple, mbon Ufɔk Abasi enam nsinsi ediomi (mme enwɔŋɔ) ye Abasi. Emi esinede enwɔŋɔ ndinim ibet, enam gospel Jesus Christ, ekpono ndɔ, enyuŋ ekpeme kiet eken ke ndibuana se inyenede.
Ŋko, koro nnyin imenim ke ufɔkemana edi nsinsi, ediwak utom enamde ke esit temple edi ndinam ufɔkemana enehede ɔsɔŋɔ ada. Enam ndɔ ke temple man ebihi ke nsinsi, idihe kpɔt “tutu mkpa adiaŋade mbufo.” Mme ete ye eka ye nditɔ ekabade edi nsinsi ufɔkemana ke temple. Mbon ntɔŋɔ-ubon ŋko ekeme ndibɔ kpukpru eridiɔŋ eke temple edieke owo anamde ndisana edinam ke ibuot mmɔ ndien mmɔ enyuŋ enyime edinam oro. Utom odu ke Temple eti-eti!
Nso idi Ŋwed Mormon?
Ŋwed Mormonedi ŋwed ndisana ikɔ-Abasi emi ekpepde nnyin abaŋa Abasi ye Jesus Christ. Enye aŋwam nnyin ndibɔ ndausuŋ kabaŋa uwem nnyin onyuŋ ekeme ndiŋwam nnyin ndisaŋa mkpere Jesus Christ. Enyiŋ oro oto mmɔŋ? Ediwak isua emi ebede, prophet eset kiet ekekerede Mormon ama ataŋ ŋwed editi idut esie adian kiet. Mmɔ ema ekut ediwak ukem mfina emi nnyin ikutde. Ndien ukem nte nnyin, mmɔ ema enyene nsɔŋɔ ke ini ekewɔŋɔde etiene Jesus Christ. Bɔ ikɔ edade emen Ŋwed Mormon ewut to mme missionary.
Ŋwed Mormon ada ikpat kiet ye Bible nte ikɔ ntiense efen abaŋa Jesus Christ ye edisana utom Esie nte Andinyaŋa ye Andifak ererimbot. Ke edianade kiet, Bible ye Ŋwed Mormon anam ediŋwaŋa ebaŋa akwa ima Abasi enyenede ɔnɔ kpukpru nnyin ndien ekeme ediŋwam nnyin isaŋa ikpere Enye.
Kpep awak baŋa nte Bible ye Ŋwed Mormon enamde utom ɔtɔkiet.
Ndi nnyin imenim Bible ke akpanikɔ?
Iŋ. Bible edi ikɔ Abasi, edisana ŋwed-ikɔ Abasi, emi edieke etienede ukpepŋkpɔ esie ada idara ɔsɔk uwem nnyin. Adianade ye Bible, nnyin ŋko imɔbɔ ifiɔk ke mme ŋwed ikɔ-Abasi efen emi edide saŋa-saŋa ɔnɔ Ufɔk Abasi Jesus Christ Mme Ndisana Owo ke Ukperedem Usen. Kpukpru mmɔ ediana kiet eda ekpep nnyin ikpɔ akpanikɔ ebaŋade Abasi ye Jesus Christ.
Ekpep mme ŋkpɔ efen ebaŋa mbuɔtidem nnyin ke Bible.
Ka iso sik diana Abasi. Sobo ye mme missionay.
Sobo ye mmɔ ke online mme ke idem. Nnyin iyebɔrɔ mbume fo inyuŋ imen fi iwut idut ufɔk Abasi emi ekperede fi.
Etop Idorenyin
Obio emi Enyenede Mbuɔtidem ke Jesus Christ
Diɔŋɔ mbuk idahaemi otode Ufɔk Abasi.
Nti ŋkpɔ ke etibe ke ofuri ererimbot. Diɔŋɔ baŋa obufa mbuk abaŋade utom Ufɔk Abasi, edinam, uŋwam enɔde kini afanikɔŋ, ye ediwak eken.