O fomu fou mo Fuafuaga a le Ola-Tutoatasi ma le Taiala a le Epikopo i le Fuafuaga o le Ola-Tutoatasi ua suitulaga i fomu o loo i ai nei o le Iloiloga o Manaoga ma Punaoa ma le Iloiloga Faaopoopo i Manaoga ma Punaoa. O fomu fou ua mamanuina e fesoasoani i epikopo ma peresitene o siteki ia auauna atu ma le mataalia ia i latou o e mauaina fesoasoaniga faaleuelefea ma taitai atu ai i latou i luga o le ala o le ola-tutoatasi.
Taiala a le Epikopo i le Fuafuaga o le Ola-Tutoatasi. E faaaoga e epikopo ma peresitene o paranesi lenei fomu e fuafua ma tuliloa ai fesoasoaniga faaleuelefea ma tulitatao ai fuafuaga faaletagata lava ia o le ola-tutoatasi.
Fuafuaga o le Ola-Tutoatasi. E faaaoga e tagata o le ekalesia lava ia lenei fomu pe fesoasoani i ai se faufautua. E fesoasoani le fomu i tagata o le ekalesia e iloilo o latou manaoga, tupe maua, ma tupe faaalu; faailoa punaoa o loo maua; faailoa auaunaga e mafai ona latou tuu atua e taui ai fesoasoaniga o loo latou mauaina; ma atiae a latou lava fuafuaga ina ia ola-tutoatasi atili ai.
O tagata o le ekalesia e le tagolima e tele ina faailoa mai e o latou uso ma tuafafine o auaunaga, o isi tagata po o taitai o le Ekalesia, po o le epikopo. Latou te saili atu foi e i latou lava ia le fesoasoani a le epikopo.
E feiloai le epikopo ma le tagata le tagolima e talanoaina po o a luitau o loo ia feagai ai. Ona valaaulia lea e le epikopo se taitai po o se faufautua e fesoasoani atu i le tagata e faatumu se fomu o le Fuafuaga o le Ola-Tutoatasi. E ala i le iloiloina o lenei fuafuaga, e mafai ai ona malamalama atili le epikopo i le auala e tuuina atu ai ma le mataalia se fesoasoaniga faaleuelefea. E tulitatao e le aunoa e le epikopo po o se taitai ua tofia le tagata e talanoaina ni manaoga faaopoopo, popolega, ma le alualu i luma ua oo i ai i le fuafuaga.
